«АМСАЙ» асчыттар түмсүүлэрэ 15 сыла!
Муус устар 25 күнүгэр Игидэй нэһилиэгэр «Тыа сирин уйгута» диэн дьоро күн буолла.Тэрээһин нэһилиэкпитигэр саха төрүт астарын астыыр, тарҕатар «Амсай» асчыттар түмсүүлэрэ тэриллибитэ 15 сылыгар ананна.
Сарсыардаттан маастар кылаастар ыытылыннылар.
ЭПОКСИДНАЙ СМОЛАТТАН КУЛОН
Маастар кылааһы ыытта Постникова Александра Николаевна.
РОТАНГ МАТЕРИАЛТАН КОРЗИНА ӨРҮҮТЭ
Маастар кылааһы ыытта Борисова Мотрена Николаевна.
ТУОЙТАН ИҺИТ
Маастар кылааһы ыытта Сыромятникова Людмила Александровна.
ВЫСТАВКА
Түмсүү 15 сылынан үгүс эҕэрдэлэр, үгүс үтүө баҕа санаалар этилиннилэр. «Алаас оһуордара» үҥкүү народнай ансаамбыла, «Умсулҕан» ырыа бөлөҕө эҕэрдэ үҥкүүнэн, ырыанан кытыннылар.
Тэрээһин сүрүн чааһынан асчыттар күрэхтэрэ буолла.Күрэххэ түмсүүлэртэн иккилии киһи хамаанда буолан кытыннылар о.э барыта 6 хамаанда 4 түһүмэххэ күөн көрүстүлэр.
Кыттааччылар бары ох курдук оҥостон кэлбиттэр.»Дьиэтээҕи сорудах» түһүмэххэ астаан аҕалбыт бүлүүдэлэрэ бииртэн биир үчүгэй, ураты.Кырдьык тыа сирин уйгутун көрдөрөр ол курдук үрүҥ астан, эт астан, айылҕа отуттан араас утахтары оҥорбуттара сөхтөрдө.
Бүтэһик «Блюдо от шеф повара» түһүмэххэ кыттааччыларбыт бэриллибит бородуукталартан (убаһа этэ, оҕуруот астара, тумалар) 30 мүнүүтэ иһигэр ураты минньигэс бүлүүдэлэри астаатылар .Саха дьахтара булугас өйдөөҕүн, барыга бары дьоҕурдааҕын өссө төгүл дакаастаатылар.
Күрэҕи түмсүү кыттыылаахтара Мария Алексеевна Захарова (Жулева), Мария Семеновна Лебедева ,НАДь директора Сардана Дмитриевна Попова дьүүллээтилэр.
Түмүккэ кыайыылааҕынан оскуола уонна уһуйаан повардара Кузьмина Любовь Макаровна уонна Гоголева Оксана Захаровна буоллулар. 2 үрдэл — «Оһуор тойуга» иистэнньэҥнэр түмсүүлэрэ Жулева Ньургустана Романовна уонна Ермолаева Людмила Коммунаровна. 3 үрдэл — «Умсулҕан» ырыа түмсүүтэ Луковцева Марина Степановна, Егорова Мария Григорьевна. Бары кыттааччылар номинациянан биһирэннилэр.
«Амсайдар» минньигэс астаах фуршетынан бар дьону күндүлээтилэр, хас биирдии түмсүү салайааччыларыгар, күүс көмө буолбут дьоҥҥо махтанан өйдөбүнньүк бэлэх туттардылар.
Үгүс дьон спонсордаан бириис бөҕө туруорбуттар.
Түмсүү урукку кыттыылаахтарын Аргунова М.К, Лопатина Г.П,Андросова Л.В.оҕолоро,аймахтара, куораттан биир дойдулаахтарбыт Григорьева А.П,Матаннанов К.В.
«Эрэл»КП, бх Захаров Р.Р, Захаров Г.Р, Лопатин В.В,Марков Н.Н.Варламов П.П.,олохтоох дьаһалта,улуустааҕы ветеринарнай сулууспа, НАДь, «Сандал»,»Вкусная лавка», Аргунова Л.Ф.магазиннар күүс көмө буоллулар.
«Амсай»түмсүү өссө да сайда турдун.
